جہانیاں(مانیٹرنگ ڈیسک) خانیوال میں4نومبر کو عمران خان کا جلسہ،پی ٹی آئی کے اندرونی اختلافات کھل کر سامنے آگئے،جلسہ کے انتظامی امور کیلئے بلائی گئی ضلعی میٹنگ میں پی ٹی آئی جہانیاں کے سٹی صدر کے ساتھ گالم گلوچ،پی ٹی آئی جہانیاں کا احتجاجی مظاہرہ۔تفصیل کے مطابق پاکستان تحریک انصاف کے قائد عمران خان نے 4نومبر کو خانیوال میں جلسہ عام میں خطاب کرنا ہے اس سلسلے میں جلسہ کے انتظامات اور دیگر
امور کیلئے ضلع کی سطح میں میٹنگ بلائی گئی جس میں حلقہ این اے 159کے ٹکٹ ہولڈر کے بیٹے ملک غلام مجتبیٰ کی جانب سے پی ٹی آئی سٹی جہانیاں کے صدر سید مجتبیٰ عثمان شاہ سے مبینہ طور پر انتہائی ناروا سلوک اختیار کرتے ہوئے گالم گلوچ کی گئی جس پر اجلاس میں جھگڑا ہو گیا ۔پاکستان تحریک انصاف جہانیاں کے کارکنوں کی جانب سے جہانیاں پریس کلب کے سامنے احتجاجی مظاہرہ کیا گیا ۔
