اسلام آباد(مانیٹرنگ ڈیسک)گھریلو ملازم کو قتل کرنے والی ایم پی اے شاہ جہاں کی بیٹی فوزیہ کے خلاف مقتول کے ورثا کی جانب سے معاف کئے جانے کے بعد عدالت نے فیصلہ محفوظ کر لیا ۔ مقتول اختر علی کے ورثا نے سیشن عدالت میں کیس کی سماعت کے دوران روبرو پیش ہو کر ملزمہ کو معاف کرنے کے حق میں بیان حلفی جمع کرایا جس کے

بعد ملزمہ فوزیہ اسلام نے قتل کے مقدمے میں بریت کی درخواست عدالت میں جمع کروائی ہے جس پر عدالت نے فیصلہ محفوظ کر لیا ہے جو کہ آئندہ ہفتے سنائے جانے کا امکان ہے۔ واضح رہے کہ ملزمہ فوزیہ اسلام پر کمسن گھریلو ملازم اختر علی کو تشدد کرکے جاں بحق کرنے کا الزام تھا ،ملزمہ کے خلاف تھانہ اکبری گیٹ پولیس نے قتل کا مقدمہ درج کررکھا تھا۔