اسلام آباد(مانیٹرنگ ڈیسک) نجی ٹی وی چینل کے پروگرام میں گفتگو کرتے ہوئے سینئر صحافی قاضی سعید نے کہا ہے کہ وزیر اعظم شاہد خاقان عباسی ایئر بلیو کے مالک ہیں اور وہ ان کے انڈر آتی ہے اور اسی طرح قومی ایئر لائن پی آئی اے بھی شاہد خاقان عباسی کے انڈر آ تی ہےلیکن حیران کن بات یہ ہے کہ ایک ایئر لائن منافع میں جا رہی ہے اور دوسری ایئر لائن شدید خسارے میں ہے۔ امسال حج کا کچھ کوٹہ
ایئر بلیو کو بھی دیا گیا ہے۔ اگر سربراہ ایک ہو تو کیا دونوں ایئر لائنز منافعے میں نہیں جا سکتیں؟ قاضی سعید کا کہنا تھا کہ اصل مسئلہ حکمرانوں کے ذاتی کاروبار کا ہے ، فضا بھی ایک جیسی ہے، مسافر بھی اور جہاز بھی لیکن دونوں میں فرق واضح ہے۔ اس سے ظاہر ہوتا ہے کہ یہ سب پیسے بنانے کے چکر میں ہیںاور کرپشن کر رہے ہیں۔ ملک میں کوئی ایک ادارہ بھی صحیح طرح کام نہیں کر رہا۔
