اسلام آباد(مانیٹرنگ ڈیسک) قومی اداروں کے خلاف ن لیگی رہنمائوں کے بیانات، شہبازشریف نے پابندی عائد کر دی۔ تفصیلات کے مطابق وزیراعلیٰ پنجاب شہباز شریف نے پارٹی رہنماؤں کو قومی اداروں کے خلاف بیان بازی سے روک دیاہے۔ نجی ٹی وی ایکسپریس نیوز کی رپورٹ کے مطابق وزیراعلیٰ پنجاب شہباز شریف نے مسلم لیگ کے رہنمائوں اور عہدیداروں کو ہدایت جاری کی ہیں کہ ایسی بیان بازی نہ
کی جائے جو قومی اداروں کے وقار اور احترام کے منافی ہو۔ ان کا کہنا تھا کہ ملک اداروں کے درمیان تصادم کا متحمل نہیں ہو سکتا۔واضح رہے کہ اس سے قبل وزیراعظم شاہد خاقان عباسی نے وفاقی کابینہ میں شامل ہونے والے وفاقی وزیر اور ن لیگی رہنما طلال چوہدری کی بھی اس حوالے سے سخت سرزنش کی ہے اور انہیں آئندہ اپنے بیانات میں محتاط رویہ اور مناسب الفاظ استعمال کرنے کی ہدایت کی ہے۔
