اسلام آباد(مانیٹرنگ ڈیسک) سابق خاتون اول اور شہباز شریف کی بھابی بیگم کلثوم نواز لندن روانہ ہو چکی ہیں، میڈیا رپورٹس کے مطابق 7ستمبر کو ہونیوالے ضمنی انتخابات کے بعد 24ستمبر کو وطن واپسی کی ٹکٹ ہے لیکن جب وزیراعلیٰ پنجاب شہبازشریف سے اس ضمن میں صحافیوں نے استفسار کیا تو وہ روانگی سے بے خبر نکلے تاہم این اے 120میں فتح کیلئے پرامید دکھائی دیئے ۔صحافیوں سے غیر رسمی گفتگو کرتے ہوئے
وزیراعلیٰ پنجاب شہباز شریف کا کہنا تھا کہ انہیں کلثوم نواز کی لندن روانگی بارے معلوم نہیں تاہم وہ حلقہ این اے 120میں کامیابی کیلئے پر امید ہیں اور انہیں اس بار زیادہ لیڈ لینے کی توقع ہے۔ پیپلزپارٹی کے کو چیئرمین آصف علی زرداری سے متعلق سوال پر انہوں نے ان سے بیزاری کا اظہار کرتے ہوئے کہا کہ میں نے کبھی زرداری کا استقبال نہیں کیا اور نہ کبھی ایسی خواہش کا اظہار کیا کہ میری ان سے کبھی ملاقات ہو۔
