اسلام آباد(مانیٹرنگ ڈیسک) نواز شریف کی نا اہلی کے بعد بنے والے نئے وزیر اعظم شاہد خاقان نے سب کے دل جیت لئے، تفصیلات کے مطابق وزیر اعظم شاہد خاقان نے 13 اگست کی شام جاری ہونے والے اشتہارات میں سے قائد اعظم ؒ اور دیگر شخصیات کے ساتھ شامل اپنی تصاویر نکلوا دیں۔
شاہد خاقان عباسی کا کہنا تھا کہ انہوں نے ملک کیلئے ابھی کوئی کارہائے نمایاں سر انجام نہیں دیئے اس لئے ان کی تصاویر ان عظیم مشاہیر کے ساتھ نہ لگائی جائیں، شاہد خاقان عباسی نے اس حوالے سے احکامات جاری کئے کہ صرف محبوب قائدین قائد اعظم محمد علی جناحؒ اور علامہ محمد اقبال ؒ کی تصاویر کو اشتہار میں رکھا جائے، میں نے ابھی تک ملک کے لیے ایسے کوئی نمایاں کام سر انجام نہیں دئیے جو ان مشاہیر کے ساتھ میری تصاویر شائع کی جائیں ۔قبل ازیں وزیر اعظم شاہد خاقان عباسی نے مریم نواز کو صاف انکار دیا۔ تفصیلات کے مطابق وزیر اعظم نے مریم نواز کے من پسند افراد کو عہدے دینے سے یکسر انکار کیا ہے۔ مریم کے قریبی (ن) لیگی رہنما اپنی من پسند وزارتیںحاصل کرنے کیلئے ان دنوں خاصے سرگرم ہیں تا ہم وزیر اعظم عباسی کا کہنا ہے کہ وہ تمام فیصلے میرٹ پر کریں گے۔ مریم نواز کے علاوہ عہدوں کی بندر بانٹ کے حوالے سے شاہد خاقان نے پارٹی قیادت کی ہدایات کو بھی تسلیم کرنے سے انکار کر دیا ہے۔ دانیال عزیز اور طلال چوہدری جو مریم نواز کے قریبی ہیں ان کے بارے میں انکشاف ہوا ہے کہ وہ من پسند وزارت چاہتے ہیں تا ہم وزیر اعظم شاہد خاقان نے انہیں سرخ جھنڈی دکھائی ہے۔اب وزیر اعظم شاہد خاقان نے 13 اگست کی شام جاری ہونے والے اشتہارات میں سے قائد اعظم ؒ اور دیگر شخصیات کے ساتھ شامل اپنی تصاویر نکلوا دیں۔
