اسلام آباد (مانیٹرنگ ڈیسک) مسلم لیگ (ن) کے رہنما حنیف عباسی کے بارے میں افواہیں غلط ثابت ہو گئیں۔ تفصیلات کے مطابق نااہل سابق وزیراعظم نواز شریف کی اسلام آباد سے لاہور ریلی کے دوران مسلم لیگ (ن) راولپنڈی کے رہنما حنیف عباسی کے بارے میں یہ افواہیں گردش کر رہی تھیں کہ راولپنڈی کا جلسہ بھرپور نہ ہونے کے باعث انہیں نواز شریف نے شدید غصے اور تنقید کا نشانہ بنایا جس پر انہوں نے (ن) لیگ چھوڑنے کا فیصلہ کر لیا ہے۔
تاہم یوم آزادی کے موقع پر ایک ویڈیو پیغام میں انہوں نے قوم کو 70ویں یوم آزادی پر مبارک باد دی ہے اور نواز شریف کا پرجوش اور اعلیٰ استقبال کرنے پر عوام کا شکریہ ادا کیا۔ تاہم ویڈیو پیغام میں انہوں نے واضح کیا کہ انہیں ان کے قائد نے بذریعہ فون یہ کہا کہ راولپنڈی جیسا استقبال میں نے کہیں نہیں دیکھا، قائد مسلم لیگ نے راولپنڈی کے عوام کے شکریہ ادا کیا کہ انہوں نے فیض آباد سے مریڑ چوک تک بھرپور استقبال کر کے اپنی محبت کا ثبوت دیا۔ اس موقع پر حنیف عباسی نے کہا کہ وہ نواز شریف کا ساتھ زندگی بھر دیں گے
