اسلام آباد(مانیٹرنگ ڈیسک)مریم نواز کاضرورت سےزیادہ سیاست میں عمل دخل (ن) لیگ کیلئے درد سر بن گیا۔ ایک موقرقومی اخبار کی رپورٹ کے مطابق نا اہل سابق وزیر اعظم نواز شریف کی صاحبزادی مریم نواز کا حد سے زیادہ سیاست میں عمل دخل نواز شریف کی

نا اہلی کا سبب بنا۔ رپورٹ کے مطابق مریم کے سیاست میں ضرورت سے زیادہ عمل دخل کی وجہ سے شریف خاندان کی اکثریت نالاں دکھائی دیتی ہے۔ مریم نواز کے بچگانہ، غیر سنجیدہ اور جلد بازی میں کئے گئے فیصلوں کی وجہ سے شریف خاندان کی خواتین ایک دوسرے کے سامنے اٹھ کھڑی ہوئی ہیں، خاص کر مریم نواز کا میڈیا سیل جو قومی اداروں کیخلاف ہرزہ سرائی میں مصروف ہے اس پر بھی شریف خاندان کی اکثریت شدید ناراض ہے۔ مریم نواز کے نا پختہ فیصلے نواز شریف کی نا اہلی کا سبب بنے اور کلثوم نواز کو این اے 120میں الیکشن لڑوانے کا فیصلہ بھی مریم نواز شریف نے ہی کیا ہے جس پر شہباز شریف کی اہلیہ تہمینہ درانی کو شدید تحفظات ہیں اور شریف خاندان میں اس حوالے سے مزید دراڑیں پڑ رہی ہیں۔