راولپنڈی(آئی این پی)سابق وزیراعظم محمد نوازشریف کے قافلے کی سیکیورٹی انتہائی غیر معمولی تھی ، حفاظتی اقدامات کے طور پر ان کے محافظوں کے پاس لائف جیکٹ بھی موجود تھی جسے گاڑی سے باہر آتے وقت نوازشریف کے سر پر اوڑھاجاتا۔ ذرائع کے مطابق بدھ کو اسلام آباد سے لاہور جاتے ہوئے نوازشریف کے
قافلے کی سیکیورٹی کے بہت اچھے اقدامات کئے گئے ۔ قافلے کے اردگرد بڑی عمارتوں پر کمانڈوز تعینات کئے گئے اور نوازشریف کے ذاتی گارڈز کے پاس بلٹ پروف لائف جیکٹ بھی تھی جسے وہ گاڑی سے باہر نکلتے وقت نوازشریف کے سر پر اوڑھ دیتے تاکہ کسی بھی رخ سے ان کو نشانہ نہ بنایا جا سکے ۔
