اسلام آبا د(مانیٹرنگ ڈیسک)سابق وزیر اعظم نواز شریف کی لاہور روانگی کے لیے خصوصی بم پروف کنٹینر تیار کیا گیا ہے،یہ اس کنٹینر سے ملتا جلتا ہے جس میں سابق وزیراعظم بےنظیربھٹو نے کراچی میں کارسازریلی کے دورانسفر کیا تھا۔ کنٹینر میں مسلم لیگ ن کے

مرکزی قائدین موجود ہوں گے،وفاقی کابینہ کے ارکان کو اسلام آباد سے ساتھ جانے سے روکتےہوئےانہیں اپنے حلقوں سے ریلیوں کی قیادت کرتےہوئے قافلےمیں شمولیت کی ہدایت کی گئی ہے۔قافلہ راولپنڈی پہنچتے ہی نواز شریف کنٹینر میں منتقل ہو جائیں گے۔ن لیگی ذرائع کے مطابق نواز شریف کے جہلم اور گوجرانوالہ میں خطاب ا ور رات بسر کرنے کے امکانات ہیں ، جبکہ دیگر مقامات پر خطاب کا فیصلہ حالات کے مطابق ہوگا۔ نوازشریف کو یہ تجویز بھی دی گئی ہے کہ نوازشریف کے ساتھ کنٹینر میں ہر شہر سے مقامی قیادت ان کے ساتھ موجود ہو یعنی سابق وزیراعظم جس شہر سے گزریں وہاں کی مقامی قیادت کنٹینر میں ان کے ساتھ محو سفر رہے۔ نوازشر یف کے اہل خانہ اسلام آباد سے لاہورجانےوالے کاررواں کاحصہ ہوں گے لیکن وہ کنٹینرکی بجائے الگ گاڑیوں میں سفرکریں گے۔واضح رہے کہ نواز شریف کی صاحبزادی مریم نواز نے 2014 میں عمران خان کے کنٹینر دھرنے کے خلاف ٹویٹ کیا تھا کہ عوام سڑکوں پر رُل رہی ہے اور یہ شخص ایئر کنڈیشنڈ کنٹینر میں مزے سے براجمان ہے جبکہ آج ن لیگ خود اپنے قائد کیلئے کنٹینر تیار کر چکی ہے ۔