اسلام آباد(مانیٹرنگ ڈیسک)عوامی لیڈر کے شوشا کا بھانڈا پھوٹ گیا، بلاول بھٹو کی اکانومی کلاس میں سفر کی کہانی کھل کر سامنے آگئی۔ تفصیلات کے مطابق پیپلزپارٹی کے چیئرمین بلاول بھٹو کی اکانومی کلاس میں سفر کی کہانی کھل کر سامنے آگئی ہے اور عوامی لیڈر ہونے کے شوشا کا بھانڈا پھوٹ گیا ہے۔ اکانومی کلاس میں سفر کی تصاویر انٹرنیٹ پر وائرل ہونے پر جیالوں نے بلاول بھٹو کی تعریفوں کے پل باندھ دئیے
تھے کہ پیپلزپارٹی سربراہ عوام میں گھل مل گئے ۔ میڈیا ذرائع کے مطابق بلاول بھٹو کے اکانومی کلاس میں ہوائی سفر کیلئے دو خواتین کے ٹکٹ کینسل کر کے ان کے احتجاج پر ان کو دھکے دے کر ائیرپورٹ سے نکال باہر کیا گیا ہے۔بلاول بھٹو کے اکانومی کلاس میں سفر کی داستان سامنے آنے پر اور خواتین سے کئے جانے والے ناروا سلوک پرسوشل میڈیا صارفین نے پیپلز پارٹی چیئرمین کو سخت تنقید کا نشانہ بنایا ہے۔
