اسلام آباد(این این آئی)سابق وزیراعظم نواز شریف کے صاحبزادے حسین نواز کی مشترکہ تحقیقاتی ٹیم کی جانب سے تفتیش کے دوران تصویر لیک کرنے والے کا نام اٹارنی جنرل آفس کو موصول ہوگیا نجی ٹی وی نے ذرائع کے حوالے سے بتایا کہ سابق سربراہ جے آئی ٹی کی جانب سے مذکورہ شخص کا نام اٹارنی جنرل کو بھجوایا گیا ٗ اسے پبلک کرنے کا فیصلہ وزیراعظم سے مشاورت کے بعد کیا جائیگا۔ذرائع کا کہنا تھا کہ تصویر لیک

کرنے والے کا نام سربمہر لفافے میں بھیجا گیا ہے۔واضح رہے پاناما کیس کے لیے بننے والی جے آئی ٹی کی تفتیش کے دوران وزیراعظم نوازشریف کے صاحبزادے حسین نواز کی دوران تفتیش تصویر سوشل میڈیا پر آنے کے بعد ایک طوفان برپا ہوگیا تھا۔حسین نواز نے معاملے کی چھان بین کے لئے کمیشن بنانے کی استدعا کی تھی تاہم جے آئی ٹی نے تمام الزامات مسترد کرتے ہوئے اپنا جواب سپریم کورٹ میں جمع کرادیا تھا۔

موضوعات:حسین نواز