اسلام آباد(مانیٹرنگ ڈیسک) تحریک انصاف کے کارکنوں نے نعروں میں مجھے گالی دی، احتجاج کرنے والوں کو اپنے بچے سمجھ کر معاف کرتا ہوں، قانونی کاروائی کرتا تو ان کا مستقبل خراب ہوجاتا، سینئر سیاستدان مخدوم جاوید ہاشمی کا تحریک انصاف کے کارکنوں کے احتجاج پر ردعمل ، تفصیلات کے مطابق گذشتہ روز سینئر سیاستدان مخدوم جاوید ہاشمی نے ملتان پریس کلب میں پریس کانفرنس کی تو تحریک انصاف کے کارکنوں نے جاوید ہاشمی کی پریس کانفرنس کے دوران احتجاج کیا اوران کوجوتے بھی
مارنے کی کوشش کی جس پر سینئر سیاستدان مخدوم جاوید ہاشمی نے تحریک انصاف کےاحتجاجی کارکنوںکو معاف کر دیا ہے۔ انہوں نے اپنے ایک ویڈیو پیغام میں کہا ہے کہاحتجاج کرنا ہر پارٹی کا آئینی حق ہے لیکن اخلاقیات کو نہیں بھولنا چاہیے، تحریک انصاف کے کارکنوں نے نعروں میں مجھے گالی دی ۔ احتجاج کرنے والے کارکن میرے بھی بچے ہیں ان کو معاف کرتا ہوں۔ان کیخلاف قانونی کاروائی کرتا تو نوجوان کارکنوں کامستقبل خراب ہو جانے کا خدشہ ہے جس کی وجہ سے انہیں معاف کر رہا ہوں۔
