فیصل آباد(آن لائن)پاکستان عوامی تحریک کی کورکمیٹی میں تحریک قصاص فیز II کے سلسلہ میں ڈاکٹر طاہرالقادری کی قیادت میں تاریخی احتجاجی دھرنے کا اعلان کر دیا ،اگست پہلے ہفتہ میں ڈاکٹر طاہرالقادری کی پاکستان آمد متوقع، پاکستان عوامی تحریک نے دھرنے کی تیاریاں شروع کردیںآن لائن کے مطابق پاکستان عوامی تحریک کے ضلع فیصل آباد کے صدر رانا طاہر سلیم خاں ، جنرل سیکرٹری میاں کاشف محمود ،

میڈیا ایڈوائزر ملک سرفراز قادری کے مشترکہ پر یس نوٹس میں بتایا گیا ہے کہ کہ عوامی تحریک کی مرکزی کور کمیٹی کا ہنگامی اجلاس لاہور میں منعقد ہوا جس میں اہم فیصلے کئے گئے ہیں‘ کورکمیٹی نے اعلان کیا ہے کہ ڈاکٹر طاہر القادری اگلے ہفتے پاکستان آ رہے ہیں‘ ان کی آمد پر تحریک قصاص فیز II شروع ہو گا‘ اجلاس میں فیصلہ کیا گیا کہ سانحہ ماڈل ٹاؤن کے قاتل اعلیٰ پنجاب کی بطور وزیراعظم نامزدگی کسی صورت قبول نہیں کی جائے گی‘ اگر ماڈل ٹاؤن کے قاتل کو ملک کا وزیراعظم بنایا گیا تو پاکستان عوامی تحریک خیبر سے لیکر کراچی تک دمادم مست کرے گی اور ڈاکٹر طاہرالقادری کی قیادت میں تاریخی احتجاجی دھرنا دیا جائے گا اور یہ دھرنا اس وقت تک ختم نہیں ہو گا جب تک گو نظام گو تحریک کامیاب نہیں ہو جاتی اور سانحہ ماڈل ٹاؤن کے تمام مجرم پھانسی کے پھندے پر نہیں پہنچ جاتے۔ انہوں نے کہا کہ ڈاکٹر طاہر القادری نے اپنے خصوصی پیغام میں کارکنان سے کہا ہے کہ وہ ایک ہفتے میں اپنی تیاریاں شروع کریں کیونکہ اس کرپٹ پانامہ زدہ نظام کو سمندربرد کرنا ہے۔