تخت بھائی(آئی این پی )تخت بھائی کے علاقہ خو ڈھیری میاں گانوں کلے میں دو دبئی پلٹ بھائیوں کے مابین گھر کے تقسیم اور رقم کے تنازعے پر زبانی تکرار۔ بڑے بھائی نے چھوٹے بھائی کی جان لے لی ۔ اطلاعات کے مطابق نواحی علاقہ پرخو ڈھیری میاں گانوں کلے میں دو بھائیوں کے مابین گھر کے تقسیم اور رقم کے تنازعے پر زبانی تکرار پر بڑے بھائی سردار الدین ولد باچا الدین جو کہ رمضان المبارک میں دبئی سے چھٹی

پر گھر آیا تھا نے طیش میں آ کر اپنے 24سالہ چھوٹے بھائی رحمان الدین جو پیر کے روز دبئی سے وطن واپس آیا تھا کو گولی مار کر خون میں نہلا دیا۔ ملزم ارتکاب جرم کے بعد فرار ہونے میں کامیاب ہو گیا ۔پولیس تھانہ لوند خوڑ نے مقتول کے والد باچا الدین کی رپورٹ پر مقدمہ درج کر کے تفتیش اورملزم کی گرفتاری کے لیے جگہ جگہ چھاپے مارنے شروع کر دیے