اسلام آباد(مانیٹرنگ ڈیسک) پنچایت کے حکم پر 17 سالہ لڑکی کو زیادتی کا نشانہ بنا دیا گیا۔میـڈیا رپورٹس کے مطابق ملتان کے نواحی علاقے راجا پور میں پنچایت کے حکم پر 17 سالہ لڑکی کو زیادتی کانشانہ بنایا گیا۔ بتایا جاتا ہے کہ 16 جولائی کو عمر وڈا نامی شخص نے 12 سالہ لڑکی کو زیادتی کا نشانہ بنایا، معاملے کا فیصلہ کرنے کے لیے امین، سعید پٹواری اور دیگر افراد کی سربراہی میں پنچایت لگائی گئی جہاں پنچایت نے بدلے میں عمر وڈا کی 17 سالہ بہن کو زیادتی کا نشانہ بنانے کا حکم سنایا
جس پر متاثرہ لڑکی کے بھائی اشفاق نے 18 جولائی کو عمر وڈا کی بہن کے ساتھ زیادتی کی۔ دونوں متاثرہ خاندانوں نے ایک دوسرے پر جنسی زیادتی کے مقدمات درج کرادیے ہیں جبکہ پولیس نے زیادتی کا حکم دینے والے سرپنچ سمیت 16 افراد کو گرفتار کرلیا تاہم مرکزی ملزمان تاحال مفرور ہیں۔دوسری جانب واقعہ پر مختاراں مائی نے بھی ردعمل دیتے ہوئے کہا ہے کہ اس طرح کے واقعات روکنے کیلئے قانون کی سخت عملدرای ضروری ہے ، دونوں جانب سے استحصال خواتین کا ہی ہوا ہے۔
