اسلام آباد (این این آئی)محکمہ موسمیات نے آئندہ 24گھنٹوں کے دوران اسلام آباد، راولپنڈی، گوجرانوالہ، ہزارہ ڈویژن اورکشمیرمیں کہیں کہیں بارش کی پیشنگوئی کی ہے ۔منگل کو یہاں جاری بیان کے مطابق آئندہ 48گھنٹوں میں گوجرانوالہ،سرگودھا، لاہور، مالاکنڈ، ہزارہ، پشاور،
بنوں، میرپورخاص، حیدرآباد ڈویژن، اسلام آباد، کشمیر اور فاٹا میں چند مقامات پر تیز ہواوں اور گرج چمک کیساتھ بارش کا امکان ہے۔ ملک کے دیگر علاقوں میں موسم گرم اور مرطوب رہے گا۔گزشتہ 24 گھنٹوں کے دوران راولپنڈی،گوجرانوالہ،ہزارہ ڈویژن،کشمیر میں کہیں کہیں جبکہ میرپور خاص،حیدر آباد ڈویژن،اسلام آباد اور گلگت بلتستان میں چند مقامات پر تیز ہواووں اور گرج چمک کیساتھ بارش ہوئی۔ملک کے دیگر علاقوں میں موسم گرم اور مرطوب رہا۔ سب سے زیادہ بارش کامرہ میں 48،منگلا 37،گجرات 21، چکوال 19، سیالکوٹ (سٹی) 8، جہلم 2، اسلام آباد ایک ، کاکول23، بالاکوٹ 9، چھور15، نگرپارکر10، مظفرآباد 6،کوٹلی ایک اور گوپس میں 2ملی میٹر ریکارڈ کی گئی۔گزشتہ روز نوکنڈی میں 44، دالبندین43، پڈعیدن، لاڑکانہ، چلاس، موہنجودڑو اور روہڑی میں 42 ڈگری سینٹی گریڈ درجہ حرارت ریکارڈ کیا گیا۔
