اسلام آباد(مانیٹرنگ ڈیسک)کپتان کے یارکرز جاری، حنا ربانی کھر کے بعد پیپلزپارٹی کی ایک اورسینئر خاتون رہنما ، سابق رکن اسمبلی ڈاکٹر سمعیہ تحریک انصاف میں شامل۔ تفصیلات کے مطابق پیپلزپارٹی کی وکٹیں گرنے کا سلسلہ جاری ہے ، حنا ربانی کھر کے بعد پیپلزپارٹی کو ایک اور شدید دھچکا لگ چکاہے۔ پاکستان پیپلزپارٹی کی سینئر خاتون رہنما اور سابق رکن قومی اسمبلی
ڈاکٹر سمعیہ امجد نے تحریک انـصاف میں شمولیت اختیار کر لی ہے۔ تحریک انصاف میں شمولیت کا باضابطہ اعلان انہوں نے ترجمان تحریک انصاف نعیم الحق اور عبدالعلیم خان سے ملاقات کے موقع پر کیا۔ اس موقع پر خاتون رہنما کا کہنا تھا کہ وہ تحریک انصاف کے منشور ، نظرئیے سے متفق ہیں اور عمران خان کی قیادت میں ملک کو ترقی یافتہ بنانے میں اپنا کردار ادا کریں گی۔
