اسلام آباد (مانیٹرنگ ڈیسک) مسلم لیگ (ن)کے اہم رہنما نے پارٹی چھوڑنے کا اعلان کر دیا، اہم سیاسی جماعت میں شمولیت کا اعلان، تفصیلات کے مطابق مسلم لیگ پنجاب کے جنرل سیکرٹری اور پنجاب اسمبلی کے سابق اپوزیشن لیڈر چوہدری ظہیر الدین خاں سے پیر سید تنویر حسین زیدی ایڈووکیٹ صوبائی امیدوارPP188بصیر پور اوکاڑہ، چوہدری محمد ناصر نے اپنے ساتھیوں سمیت ملاقات کی اور چوہدری شجاعت حسین اور چوہدری پرویز الٰہی کی قیادت پر اعتماد کا اظہار کرتے ہوئے پاکستان مسلم لیگ (ن) کو چھوڑ کر پاکستان مسلم لیگ (ق) میں شمولیت کا اعلان کردیا۔ ان کی شمولیت کے

موقع پر مسلم لیگ (ق) لاہور کے چیف آرگنائزر سابق ایم این اے میاں منیر احمد، ڈپٹی سیکرٹری اطلاعات پنجاب ناصر رمضان گجر، یوتھ ونگ پنجاب کے صدر چوہدری ذوالفقار پپن اور دیگر عہدیداران بھی وہاں موجود تھے۔ چوہدری ظہیرالدین خاں نے پاکستان مسلم لیگ (ق) میں شمولیت اختیار کرنے والوں کو خوش آمدید کہتے ہوئے یہ کہا کہ ہم مسلم لیگ (ق) میں شامل ہونے والوں کو خوش آمدید کہیں گے اور ہمارے دروازے آنے والوں کے لیے کھلے ہوئے ہیں۔ مسلم لیگ (ق) کے جنرل سیکرٹری ظہیر الدین خاں نے کہا کہ نئے آنے والے ساتھیوں سے مسلم لیگ (ق) مضبوط ہوگی۔

موضوعات:شمولیت کا اعلان