اسلام آبادنیوزڈیسک)ٹویٹ واپس لینے کو فوج کی کمزوری سمجھ کر حکومت کیا کررہی ہے؟معروف صحافی نے بڑا دعویٰ کردیا، تفصیلات کے مطابق معروف صحافی حامد میر نے کہا کہ جنرل قمر جاوید باجوہ ابھی نئے نئے آئے ہیں۔ اگر آپ کو یاد ہو تو جب حکومت اور پاک فوج کے مابین ڈان لیکس ٹینشن ہوئی تھی تو آرمی نے اپنا ٹویٹ واپس لے لیا تھا اورکچھ دنوں کے لیے غلط فہمیاں ختم ہو گئی تھیں،
جس کے بعد جنرل قمرجاوید باجوہ نے تاثر دینے کی کوشش کی ہے کہ پاک فوج جمہوریت اور آئین کے ساتھ ہے اور انہوں نے پاک فوج کو سیاست سے دور رکھاہے۔حامد میر نے دعویٰ کیا کہ مجھے یہ لگتا ہے آرمی چیف کی جمہوریت پسند ی اور آئین پسندی کو حکومت نے ان کی کمزوری سمجھ لیا ہے۔ اورخلاف سازشوں کا ذکر شروع کر دیا ہے۔ اور کہا جا رہا ہے کہ نواز شریف کا سیاسی قتل کر نے کی کوشش کی جا رہی ہے، اور نواز شریف کے خلاف سازش ہو رہی ہے۔
