اسلام آباد (مانیٹرنگ ڈیسک) خاتون اول کلثوم نواز کی صحت خراب ہونے کے بعد اطلاعات یہ بھی ہیں کہ وزیر اعظم کے صاحبزادے حسین نواز کا بھی وزن اس سارے سلسلے کے دوران غیر معمولی حد تک کم ہو گیا ہے ۔ نواز شریف کو گزشتہ برس جب پانامہ سکینڈل کا آغاز ہوا تھا تو انہیں بھی دل کے عارضہ کے باعث لندن میں اوپن ہارٹ سرجری کروانا پڑی تھی۔
دریں اثنا معلوم ہوا ہے کہ وزیر داخلہ چوہدری نثار کے بھی کمر میں درد اٹھا ہے ڈاکٹروں کی جانب سے انہیں بیڈ ریسٹ کا کہا گیا ہے۔واضح رہے کہ پانامہ لیکس سیکنڈل کی وجہ سے حکمران جماعت مسلم لیگ (ن) اس وقت شدید ترین دبائو میں ہے۔وزیر اعظم ہائوس میں کم و بیش پچھلے ایک ہفتے کے دوران نوازشریف ایک کے بعد ایک اجلاس کی صدارت کر رہے ہیں اور تمام حکومتی امور ٹھپ ہو کر رہ گئے ہیں
