اسلام آباد (مانیٹرنگ ڈیسک)کسی کام کی نہیں تھی، اچھا ہوا چلی گئی، ابرارالحق اور عمران خان کے درمیان ناز بلوچ کی پیپلزپارٹی شمولیت پر ایک دوسرے سے مکالمہ۔ تفصیلات کے مطابق ایک تقریب کے دوران جب ابرار الحق نے عمران خان سے ناز بلوچ کی پیپلزپارٹی میں شمولیت بارے سوال پوچھا تو عمران خان نے آگے سے ہنستے ہوئے کہا کہ’’ نہیں نہیں وہ کسی کام کی نہیں ہے۔اچھا ہوا چلی گئی‘‘۔ عمران خان اور ابرار الحق
کے مابین ہوئی اس گفتگو کی ویڈیوسوشل میڈیا پر وائرل ہو گئی ہے جس پر سوشل میڈیا صارفین کی ایک بڑی تعداد عمران خان کی جانب سے ناز بلوچ بارے تبصرے پر نکتہ چینی کر رہے ہیں۔ سوشل میڈیا صارفین کی ایک بڑی تعداد کا کہنا ہے کہ پارٹیوں کو زندہ رکھنے والے عام کارکن ہی ہوتے ہیں اور اگر عمران خان ناز بلوچ بارے ایسا کہہ سکتے ہیں تو باقی کارکنوں کو بھی سوچنا چاہئے کہ ان کا کیا ہو سکتا ہے۔
