اسلام آباد(مانیٹرنگ ڈیسک)ایبٹ آباد میں 8سالہ بچے کو گدھے کے ساتھ باندھ کر ملزمان نے گھسیٹ گھسیٹ کر قتل کر دیا،ایک اور انسانیت سوز واقعہ نے درندگی کی نئی مثال قائم کر دی۔ تفصیلات کے مطابق تھانہ لورہ کی حدودمیں درندہ صفت انسان نے 8سالہ بچے کو گدھے کے ساتھ باندھ کر اس پر تشدد کر کے گدھے کو بھگانا شروع کر دیا ، کئی کلومیٹر تک گدھے کے بھاگنے اور بچے کو گھسیٹنے کی وجہ سے بچے کی موت واقع ہو گئی ہے۔ بتایا جاتا ہے کہ
تھانہ لورہ کی حدود کنگڑ میرا میں 8سالہ مدثر ولد شیر افضل کا گدھا محمد مسکین کے کھیتوں میں گھس گیا تھا جسے واپس لانے کیلئے جب مدثر مسکین کے کھیت میں پہنچا تو درندہ صفت شخص نے ہر حد توڑتے ہوئے 8سالہ مدثر پر درندگی کی انتہا کر دی۔ واقعہ کے بعد پولیس کئی گھنٹے گزر جانے کے بعد وقوعہ پر نہ پہنچی تو ورثا نے نعش لورہ روڈ پر رکھ کر احتجاج شروع کر دیا ۔ آخری اطلاعات موصول ہونے تک واقعہ کا پرچہ پولیس نے درج نہیں کیا۔
