راولپنڈی (این این آئی) سکیورٹی فورسز نے آپریشن رد الفساد کے دوران مصدقہ انٹیلی جنس کی بنیاد پر کوہاٹ ٹنل کے قریب آپریشن کر کے اسلحہ اورگولہ بارود کی بھاری مقدار بر آمد کرلیا ٗاسلحہ ٹرک کے نچلے حصے میں چھپا کر درہ آدم خیل سے وانا منتقل کیا جارہا تھا ٗ

کارروائی کے دوران دو دہشتگردوں کو گرفتار کرلیا گیا ۔ آئی ایس پی آرکے مطابق سکیورٹی فورسز نے آپریشن رد الفساد کے دوران مصدقہ انٹیلی جنس کی بنیاد پر کوہاٹ ٹنل کے قریب آپریشن کر کے اسلحہ اورگولہ بارود کی بھاری مقدار بر آمد کرلی جس میں پسٹلز ٗ شارٹ مشین گنز /رائفلز اور گولہ وبارود کے ڈبے شامل تھے ۔اسلحہ اور گولہ بارود درہ آدم خیل سے ایک سول ٹرک میں وانا منتقل کیا جارہا تھا ۔ہتھیار ٹرک کے نچلے خانے میں چھپاکر اوپر باڈی نصب کی گئی تھی ۔کارروائی کے دور ان دو دہشتگردوں کو گرفتار کرلیا گیا ۔بر آمد کئے گئے ہتھیاروں میں30بور کے تین سو پسٹلز ٗ تیس بور کے ایم ایس بی ایس پی ٗ پانچ پسٹلز ٗ تیس بور کے چھ موزر ٗ 197سیاہ زگانہ پسٹلز ٗ 16کیمو فلاج زگانہ پسٹلز ٗ تیس سیاہ بریٹا ٗ چار پیٹرو گولڈن بریٹا ٗ بیس سمتھ اینڈ ویسن ٗ دس والتھر( سات سیاہ اور تین گرے ) اور26 میکا روف شامل ہیں اس طرح مجموعی طورپر 614پسٹل جبکہ 579میگزین برآمد کئے گئے ۔بر آمد ہونے والے دیگر آٹو میٹک ہتھیاروں میں ایک اے 5.56ایم ایم رائفل ٗ 106شارٹ مشین گن ٗ دو شارٹ گن کلاکوف ٗ چھ ایل ایم جی شامل ہیں اس طرح مجموعی طورپر 115آٹو میٹک ہتھیار اور 7000مختلف نوعیت کی گولیاں اور کارتوس بر آمد کئے گئے ۔