سیہون شریف،حب(آن لائن) سیہون شریف اور حب میں ٹریفک کے دو المناک حادثات میں8افراد جاں بحق اور 14سے زائد افراد زخمی ہو گئے ،زخمیوں کو طبی امداد کیلئے مقامی ہسپتالوں میں منتقل کردیا گیا ،لاشوں کو ضروری کارروائی کے بعد ورثاء کے حوالے کردیا جائیگا۔۔ تفصیلات کے مطابق یہ حادثہ سیہون شریف کے قریب اس وقت پیش آیا جب ایک تیز رفتار مزدا ٹرک نے سامنے سے آنے والے رکشہ کو ٹکر مار دی جس کے

نتیجے میں رکشہ میں سوار ایک ہی خاندان کے 5 افراد موقع پر ہی جاں بحق ہوگئے جن میں 2 خواتین اور ایک بچہ بھی شامل ہیں جب کہ 4 افراد شدید زخمی ہوگئے جنہیں قریبی اسپتال منتقل کردیا گیا ہے جہاں انہیں طبی امداد فراہم کی جارہی ہے۔ریسکیو ذرائع کا کہنا ہے کہ حادثہ تیز رفتار مزدا ٹرک اور رکشہ کے تصادم کے نتیجے میں پیش آیا تاہم زخمیوں کو طبی امداد کے لیے قریبی اسپتال منتقل کردیا گیا ہے۔ادھر حب کے قریب مکران کوسٹر ہائی وے پرگوادرسے کراچی آنے والی مسافر کوچ تیزرفتاری کے باعث الٹ گئی، جس کے نتیجے میں 3 افراد موقع پرہی جاں بحق جب کہ 10 افراد زخمی ہوگئے۔امدادی ٹیمیں فوری طورپرجائے وقوعہ پہنچیں اور لاشوں اور زخمیوں کو ڈسٹرکٹ اسپتال اوتھل منتقل کردیا۔ اسپتال میں زخمی افراد کوطبی امداد فراہم کی جارہی ہے جب کہ کاغذی کارروائی کے بعد لاشوں کو ورثا کے حوالے کردیا جائے گا۔