اسلام آبد (مانیٹرنگ ڈیسک) ایٹمی ہتھیار لے جانے والے میزائل بین البراعظمی بیلسٹک میزائل کہلاتے ہیں۔ اسے بنیادی طور پر ایٹمی ہتھیار لیجانے کیلئے ہی بنایا جاتا ہے۔ اگرچہ روایتی ، کیمیائی اور حیاتیاتی ہتھیار لیجانے کیلئے بھی اس میزائل کو استعمال کیاجاسکتا ہے

لیکن عملی طور پر انہیں صرف ایٹمی ہتھیاروں کو لیجانے کیلئے تیار کیا جاتا ہے ۔ جدید ترین بین البراعظمی بلیسٹک میزائل ایک سے زائد ایٹمی ہتھیار لیجانے کی صلاحیت بھی رکھتے ہیں جنہیں مختلف اہداف پر گرایا جا سکتا ہے۔ ان کی مختلف اقسام درمیانی رینج کے بلیسٹک میزائل ، کم رینج بلیسٹک میزائل اور ٹیکٹیکل بلیسٹک میزائل ہیں۔ کم اور درمیانی رینج والے بلیسٹک میزائلوں کو مجموعی طور پر تھیٹر بلیسٹک میزائل بھی کہا جاتا ہے۔بین البرعظمی بلیسٹک میزائل کی انتہائی رفتار چھ سے سات کلو میٹر فی سیکنڈ ہوتی ہے۔ پاکستان کے سرحدی شہر لاہور سے بھارت کے دارلحکومت دلی کا فضائی فاصلہ 412 کلو میٹر ہے، یعنی لاہور سے چلایا گیا بین البرعظمی بلیسٹک میزائل تقریباً ایک منٹ ساڑھے تین سیکنڈ بعد دلی میں ہو گا۔ اسی طرح لاہور سے داغے گئے میزائل کو پورے بھارت کے اوپر سے اڑتے ہوئے اس کی مشرقی سرحد پر واقع کلکتہ شہر کو نشانہ بنا نا ہو تو اس کیلئے تقریباً ساڑھے چار منٹ درکار ہونگے۔ لاہور سے کلکتہ کا فاصلہ 1705 کلو میٹر ہے۔ جنوب میں بھارت کا دور دراز ترین سرحدی شہر کنیا کماری ہے ، جس کا لاہور سے فاصلہ 2628 کلو میٹر ہے۔ یعنی لاہور سے بھارت کے جنوبی کونے تک میزائل پونے سات منٹ میں پہنچے گا۔

موضوعات:ایٹمی میزائل