اسلام آباد (مانیٹرنگ ڈیسک) سینئرصحافی وتجزیہ کارحامدمیرنے انکشاف کیاہے کہ ریاض حسین پیرزادہ کے استعفی کے بعد ایک اوروفاقی وزیربھی استعفی دینے والے ہیں اوروہ جلدہی مستعفی ہوکرنوازشریف کی حکومت پرکرپشن کے الزامات بھی لگائیں گے ۔سماجی رابطےکی ویب سائیٹ ٹوئیٹرپربتایا کہ صرف ریاض حسین پیرزادہ ہی مستعفی نہیں ہوئے بلکہ عنقریب ایک اور وفاقی وزیر بھی استعفیٰ دینے جا رہاہے ۔
حامدمیرنے انکشاف کیا کہ مستقبل قریب میں مستعفی ہونے والا وفاقی وزیر نواز حکومت پر کرپشن کے الزامات بھی لگائے گا۔واضح رہے کہ سابق وفاقی وزیرریاض حسین پیرزادہ نے وزیراعظم پروقت نہ دینے کاالزام لگایاہے اورکہاہے کہ ان کی وزارت میں مداخلت کی جاتی تھی ۔انہوں نے کہاکہ سمجھ میں نہیں آرہاکہ نیب فواد احمدفواد کے بارے میں خاموش کیوں ہے ۔انہوں نے فواد حسین فواد کے خلاف کرپشن کی تحقیقا ت کرنے کامطالبہ بھی کیا۔
