ملتان ( آئی این پی)پیپلز پارٹی کے رہنما و سابق وفاقی وزیر مذہبی امور سید حامد سعید کاظمی نے کہا ہے کہ دہشت گردی کے خلاف حکومت اور قانون نافذ کرنے والے ادارے بھرپور انداز میں کاروائی کو یقینی بنائیں۔ سانحہ پارا چنار کی جتنی مذمت کی جائے وہ کم ہے۔ عوام اور عقیدت مندوں کی دعاؤں سے باعزت بری ہو ا ہوں اور سرخرو ہوا ہوں۔ ان خیالات کا اظہار انہوں نے اپنی رہائش گاہ کاظمی ہاؤس میں جماعت اہلسنت کے

ناظم نشر واشاعت قاری شاکر محمد کھوکھر،قاری عبدالرحمان ہمڑ سے کی گئی ملاقات میں کیا اس موقع پر قاری شاکر محمد کھوکھر نے سید حامد سعید کاظمی کو پھولوں کا گلدستہ بھی پیش کیا سید حامد سعید کاظمی نے مزید کہا کہ یقیناًآپریشن ضرب عضب کے بعد آپریشن ردالفساد کی وجہ سے دہشت گردوں کی کمر ٹو ٹی ہے  انہوں نے کہا کہ یہ عوام اور عقیدت مندوں کی دعاؤں کا نتیجہ ہے کہ وہ آج ان میں موجود ہیں ۔