ڈسکہ(آن لائن)فیس بک پر دوستی 9ویں کلاس کی طالبہ کو فورٹ عباس لے گئی، سٹی پولیس نے بازیاب کرواکر گھر پہنچادیا۔تھانہ سٹی کے علاقہ سوہاوہ کی نہم کلاس کی طالبہ13سالہ سخاوتہ کے والدین نے 21مارچ 2017ء کوتھانہ سٹی میں اغوا کا مقدمہ درج کروایا کہ ان کی بیٹی کو ملزم سرمد طارق وغیرہ اغوا کرکے لے گئے ہیں۔ سٹی پولیس نے کارروائی کرتے ہوئے طالبہ کا موبائل ڈیٹا اور فیس بک چیک کی تو معلوم ہوا کہ نویں

کلاس کی طالبہ کی فیس بک پر سرمد طارق سکنہ فورٹ عباس کیساتھ دوستی تھی اور دونوں نے گھر سے بھاگ کر نکاح کرلیاتھا اور وہ فورٹ عباس میں رہائش پذیر تھے. فورٹ عباس جاکر فیس بک پر دوستی کے بعد اغواہونیوالی لڑکی کو ملزم سرمد طارق کے گھر سے بازیاب کروا کرکے اس کے والد محمد طارق کو گرفتارکرکے ڈسکہ لے آئے اور طالبہ کو قانونی کارروائی کے بعد اہل خانہ کے حوالے کردیا۔

موضوعات:فیس بک