پشاور(مانیٹرنگ ڈیسک)خیبرپختونخوامیں پاکستان تحریک انصاف کی حکومت نے ’’زمونگ کور‘‘یعنی کہ “ہمارا گھر” کے نام سے پروجیکٹ شروع کردیاہے ۔تفصیلات کے مطابق صوبائی حکومت نے اس منصوبے کے تحت یتیم اورناداربچوں کی سرپرستی شروع کردی ہے جن کااس دنیامیں کوئی سہارانہیں اوربعض کے
والدین اتنے غریب ہیں کہ اپنے بچوں کے اخراجات برداشت نہیں کرسکتے ہیں ۔ ایسے بچوں کوبھی اپنی سرپرستی میں لے لیا گیاہے جو بھیک مانگ کرگزر بسر کررہے تھے ۔حکام کایہ کہناہے کہ اس منصوبے کے تحت کوئی یتیم بچہ اب بے سہارانہیں رہے گا.تعلیم کے اخراجات حکومت اس منصوبے کے تحت برداشت کرے گی ۔
