اسلام آباد (مانیٹرنگ ڈیسک ) ملتان میں شاہانہ طرز کی شادی کاایک اور واقعہ سامنے آگیا ۔تاجر کے بیٹے کی بارات کیلئے 7لیموزین بک ، ہیلی کاپٹر کے ذریعے شہر میں شادی کارڈ گرائے گئے۔تفصیلات کے مطابق ملتان کے امیر ترین تاجر کا بیٹے کی شادی پر بے دریغ خرچ ،پیسہ پانی کی طرح بہا دیا ، نعمان شبیر قریشی کی بارات کیلئے 7لیموزین گاڑیاں بک ہوئیں جن پر پوری سج دھج کے ساتھ بارات روانہ ہوئی جبکہ اس موقع پر
ہیلی کاپٹر سے شہر میں شادی کارڈ بھی گرائے گئے۔بارات میرج ہال پہنچنے پر علاقہ مکینوں کی بڑی تعداد وہاں پہنچ گئی ، لیموزین گاڑیوں کے قافلے کو دیکھ کر ملتان شہر کے باسی حیران رہ گئے اور کسی عرب ملک کے بادشاہ کا قافلہ قرار دیتے رہے۔واضح رہے کہ اس سے قبل ملتان کے ہی شہری شیخ عرفان نامی کی شادی میں بارات کے لئے شیر منگوایا گیا تھا جبکہ جہیز کی مد میں کروڑوں روپے کاسامان دیا گیا تھا۔
