اسلام آباد(مانیٹرنگ ڈیسک) کراچی میں توہین رسالت کے مرتکب دو افراد کو گرفتار کر لیا گیا، سوشل میڈیا پر توہین رسالت اور مقدس ہستیوں کی توہین کے مرتکب دو ملزمان ایاز نظامی عرف عبدالوحید اور رانا نعمان کو کراچی سے گرفتار کر لیا گیا۔ملزمان کے قبضے سے قابل اعتراض مواد بھی برآمد ہوا، دونوں ملزمان سوشل میڈیا پر توہین رسالت اور مقدس ہستیوں کے بارے میں گستاخانہ مواد اپ لوڈ کرتے تھے،ملزم رئیل سٹک ڈاٹ

کام ، سچائی ڈاٹ کام، پاکستان فری تھنکرز ، سی ای ایم وی اور ٹرپل اے پی کی ویب سائٹس پر مواد اپ لوڈ کر رہے تھے ، ملزمان مواد اپ لوڈ کرنے کے لیے ہالینڈ کی سم استعمال کر رہے تھے۔ ملزموں کو ہالینڈ، برطانیہ ، کینیڈا اور امریکہ سے مالی اور تکنیکی امداد ملتی تھی، ملزمان کے خلاف اسلام آباد میں سائبر کرائم کی دفعہ 7/17 کے تحت مقدمہ درج کر لیا گیا۔