اسلام آباد(مانیٹرنگ ڈیسک)کراچی میں ایک شخص نے مردم شماری ٹیم کو دیکھ کر عمارت کی تیسری منزل سے چھلانگ لگا کر جان دیدی۔ تفصیلات کے مطابق نارتھ کراچی میں مردم شماری کے عملے اورپولیس کو دیکھ کر کلیم نامی شخص نے عمارت کی تیسری منزل سے چھلانگ لگادی ۔پولیس کے مطابق کلیم نامی شخص نے مردم شماری ٹیم کے ہمراہ قانون نافذ کرنیوالے ادارے کے افراد
کو آتے دیکھ کر بلڈنگ سے چھلانگ لگائی۔پولیس نے کلیم کو زخمی حالت میں تھانے لے گئی جس کے بعد اسےعباسی شہید ہسپتال منتقل کیا گیاجہاں وہ زخموں کی تاب نہ لاتے ہوئے دم توڑ گیا۔پولیس نے لاش کو تحویل میں لیکر پوسٹمارٹم کیلئے بھجوادیا ہے جبکہ معاملے کی تفتیش بھی کی جارہی ہے کہ کلیم کی عمارت کی تیسری منزل سے چھلانگ لگانے کے پیچھے کیا محرکات کارفرما ہیں۔
