ملتان(آئی این پی)سابق وزیراعظم یوسف رضا گیلانی نے کہا ہے کہ کسی سے محب وطن ہونے کا سرٹیفیکٹ لینے کی ضرورت نہیں ہے،حسین حقانی کی اتنی اہمیت نہیں ہے کہ ان کی بات کا جواب دیا جائے ،میڈیا رپورٹس کے مطابق سا بق سفیر حسین حقانی کے متنازع بیان پر ردعمل کااظہار کرتے ہوئے یوسف گیلانی کا کہنا تھا کہ ہم نے کسی کو غیرقانونی ویزے جاری کرنے کا نہیں کہاتھا۔ پاکستان کی خفیہ ایجنسی دنیا کی بہترین

ایجنسی ہے ،انہیں سب کچھ معلوم ہوتا ہے کہ کیا کچھ ہورہا ہے۔انہوں نے کہا کہ حسین حقانی پرمیموگیٹ کا الزام تھا ،ان کو میں نے اور زرداری صاحب نے وطن واپس بلایا تھا کہ آپ کے اوپرالزامات ہیں ،ہم آپ کیخلاف تحقیقات کریں گے ۔سابق وزیراعظم نے کہا کہ میں نے حسین حقانی کو خود کہا کہ آپ استعفیٰ دے دیں تاکہ آپ پر لگے ہوئے الزامات کی شفاف تحقیقات ہوسکیں۔تمام اداروں کی مشاورت سے حسین حقانی سے استعفیٰ لیا ۔