اسلام آباد (این این آئی)محکمہ موسمیات نے اسلام آباد اور راولپنڈی سمیت گوجرانوالہ، لاہور، سرگودھا، فیصل آباد، ہزارہ ڈویژن میں بارش کے نئے سلسلے کی پیش گوئی کرتے ہوئے کہاہے کہ مالاکنڈ، مردان، بنوں، پشاور، کوہاٹ، ڈی آئی خان، اور فاٹا میں چند مقامات پر گرج چمک کے ساتھ بارش

اور پہاڑوں پر ہلکی برف باری سندھ اور بلوچستان میں موسم خشک اور سرد رہنے کا امکان ہے۔ رپورٹ کے مطابق گزشتہ 24 گھنٹوں کے دوران اسلام آباد اور راولپنڈی سمیت بالائی پنجاب میں موسم ابرآلود رہا جبکہ سوات ،مالاکنڈ اور ہزارہ ڈویژن میں چند ایک مقامات پر ہلکی بارش ہوئی، سب سے زیادہ بارش بالاکوٹ 11، پاراچنار، پٹن10، بنوں، میرکھانی، کاکول5، مالم جبہ4، دیر2، دروش، ڈیرہ اسماعیل خان 1، گڑی دوپٹہ، مظفر آباد 7، کوٹلی، راولا کوٹ 6، بارکھان5، کوئٹہ3، لسبیلہ 2 ،مری5، ملی میٹر ریکارڈ کی گئی جبکہ سب سے کم درجہ حرارت سکردومیں منفی 3، کالام، استور، گوپس میں منفی 2 ڈگری ڈگری سینٹی گریڈ ریکارڈ کیا گیا۔ محکمہ موسمیات کے مطابق آئندہ 24 گھنٹوں کے دوران اسلام آباد اور راولپنڈی سمیت گوجرانوالہ، لاہور، سرگودھا، فیصل آباد، ہزارہ ڈویژن، اور کشمیر میں کہیں کہیں جبکہ مالاکنڈ، مردان، بنوں، پشاور، کوہاٹ، ڈی آئی خان، ملتان، ڈی جی خان، ساہیوال ڈویژن اور فاٹا میں

چند مقامات پر گرج چمک کے ساتھ بارش اور پہاڑوں پر ہلکی برف باری ،سندھ اور بلوچستان میں موسم خشک اور سرد رہنے کا امکان ہے، جمعہ اور ہفتہ کے روز شمال مشرقی پنجاب، کشمیر اور گلگت بلتستان میں وقفے وقفے سے بارش اور بالائی خیبرپختونخوا، فاٹا میں چند مقامات پر تیز ہوائوں اور گرج چمک کے ساتھ بارش پہاڑوں پر برف باری کا امکان ہے۔