اسلام آباد(مانیٹرنگ ڈیسک) پاک فوج کی جانب سے لاہور میں پی ایس ایل فائنل میچ میں سکیورٹی انتظامات کو دنیا بھر میں سراہا گیاجس کا ثبوت اب قطرکی اس درخواست سے ثابت ہو رہا ہے جس میں قطر نے 2022میں ہونے والے فیفا ورلڈ کپ کی سکیورٹی تیاریوں کے حوالے سے پاک فوج سے مدد مانگ لی ہے۔تفصیلات کے مطابق آرمی چیف جنرل قمر جاوید باجوہ سے ملاقات کے دوران قطری وزیراعظم شیخ عبداللہ الثانی نے کہا کہ پاکستان ایک قابل اعتماد دوست ہے اور سکیورٹی کے شعبے میں
پاک فوج کے تجربات سے فائدہ اٹھانا چاہتے ہیں ۔ ڈی جی آئی ایس پی آر کے مطابق قطری وزیراعظم نے گزشتہ روز آرمی چیف جنرل قمر جاوید باجوہ سے فٹ بال ورلڈکپ کی تیاریوں، سائبر سیکیورٹی اور دفاعی پیداوار میں بھی تعاون بڑھانے کی خواہش کا اظہار کیاہے۔شیخ عبداللہ الثانی نے کہا کہ قطری عوام پاکستانی عوام کو قدر کی نگاہ سے دیکھتے ہیں اور قطر پاکستان کو ہر سطح پر خصوصی اہمیت دیتا ہے۔آرمی چیف جنرل قمر جاوید باجوہ نے قطری وزیراعظم کو بھرپور تعاون کی یقین دہانی کروائی ہے۔
