اسلام آباد(مانیٹرنگ ڈیسک)پیپلزپارٹی دبائو ڈال کر لوگوں کو اپنی پارٹی میں شامل کر رہی ہے،پاکستان تحریک انصاف پر بڑا الزام عائد کر دیا۔ تفصیلات کے مطابق پاکستان تحریک انصاف کے مرکزی رہنما اور کراچی سے منتخب ممبر قومی اسمبلی عارف علوی نے پیپلزپارٹی پر الزام عائد کرتے ہوئے کہا ہے کہ پیپلزپارٹی دبائو ڈال کر لوگوں کو اپنی پارٹی
میں شامل کر رہی ہے ، پیپلزپارٹی نے اپنی کشتی بھاری کر لی ہے جو کہ ڈوبنے والی ہے ۔ عمران خان مارچ کے مہینے میں کراچی کا دورہ کریں گے۔ کراچی میں پر ہجوم پریس کانفرنس سے خطاب کرتے ہوئے پی ٹی آئی رہنما کا کہنا تھا کہ غیر ملکی افغان باشندوں کی رجسٹریشن ہونی چاہئے ، پولیس اور قانون نافذ کرنے والے اداروں کو کارروائی کی آزادی ہونی چاہئے وہ شبہ پر جہاں چاہیں کارروائی کر سکیں۔واضح رہے کہ چند دن قبل نبیل گبول کی پیپلزپارٹی میں واپسی ہوئی ہے جو کہ پیپلزپارٹی چھوڑنے کے بعد متعدد مرتبہ تحریک انصاف میں جانے کا عندیہ دے چکے تھےاور حال ہی میں کئی سیاسی رہنما دیگر جماعتوں سے پیپلزپارٹی میں شامل ہوئے ہیں ۔ سیاسی حلقے عارف علوی کی اس پریس کانفرنس کوسیاسی رہنمائوں کی پیپلزپارٹی میں شمولیت کے بعد تحریک انصاف کی جھلاہٹ قرار دے رہے ہیں۔
