اسلام آباد(مانیٹرنگ ڈیسک) سانحہ لاہور کا سہولت کار تین ساتھیوں سمیت گرفتار ، اعتراف جرم کر لیا۔ تفصیلات کے مطابق لاہور میں چیئرنگ کراس کے مقام پر ہونے والے دھماکے کے حوالے سے تحقیقاتی اداروں کو بہت بڑی کامیابی مل گئی۔ دھماکے کے مبینہ سہولت کار انوار الحق کو نولکھا بازار سے تین ساتھیوں سمیت گرفتار کیا گیا ہے۔ذرائع کے مطابق باجوڑ ایجنسی کے رہائشی انوار الحق نے اعتراف جرم کر لیا ہے۔

واضح رہے گزشتہ دنوں چیئرنگ کراس پر پنجاب اسمبلی کے سامنے میڈیکل اسٹورز ایسوسی ایشن ڈرگ ایکٹ کے خلاف احتجاج کر رہی تھی اس دوران خودکش دھماکا ہو گیا۔دھماکے کے نتیجے میں ڈی آئی جی ٹریفک کیپٹن (ر) احمد مبین، ایس ایس پی آپریشن زاہد گوندل سمیت 13 افراد شہید ہو گئے۔یاد رہے کہ کالعدم تنظیم جماعت الاحرار نے مال روڈ پر دھماکے کی ذمہ داری قبول کی تھی۔