اسلام آباد ( آئی این پی ) سیکرٹری خارجہ اعزاز چوہدری نے افغان سفیر حضرت عمر ذخیلوال سے قونصل خانے میں گارڈ کی فائرنگ سے افغان تھرڈسیکرٹری محمد ذکی عبدو کی ہلاکت کے واقعے پر افغان حکومت سے تعزیت کی ۔ پیر کو سیکرٹری خارجہ نے افغان سفیر سے ٹیلیفونک رابطہ کیا ۔

سیکرٹری خارجہ نے افغان سفیر سے تھرڈ سیکرٹری محمد ذکی کی ہلاکت پر افغان حکومت سے تعزیت کی اور معاملے کی تحقیقات میں ہر ممکن تعاون کی یقین دہانی کرائی ۔ افغان سفیر نے کہا کہ قونصل خانے میں گارڈ کی فائرنگ دہشتگردی نہیں ہے ترجمان دفتر خارجہ نے کہا کہ محمد ذکی عبدو ایک افغان سیکیورٹی گارڈ کی فائرنگ سے قتل ہوئے اور یہ واقعہ افغان قونصلیٹ جنرل کی لابی میں پیش آیا ۔ پولیس انتظامیہ نے مزید جانی نقصان سے بچنے کے لئے فوری مداخلت کی ۔ افغان سفیر نے کہا کہ افغان گارڈ کی فائرنگ سے تھرڈ سیکرٹری کی ہلاکت ذاتی دشمنی کا معاملہ معلوم ہوتا ہے ۔

موضوعات:افغان سفیر دہشت گردی