جیکب آباد(آئی این پی)جیکب آباد میں پی پی شہید بھٹو کی جانب سے شہید مرتضیٰ کے قاتلوں کی گرفتاری اور کیس دوبارہ کھولنے کے لیے احتجاجی مظاہرہ دھرنا روڈ بلاک نعریبازی، تفصیلات کے مطابق پاکستان پیپلز پارٹی شہید بھٹو اور اس کی ذیلی ونگس کے زیر اہتمام شہید مرتضیٰ بھٹواور ساتھیوں کے قاتلوں کی گرفتاری اور قتل کیس دوبارہ کھولنے کے لیے ضلعی دفتر سے ایک زبردست احتجاجی مظاہرہ ضلعی صدر ندیم قریشی ،
تعلقہ صدر عباس رند،لیاقت لاشاری ،آصف رند ،انعام شاہ ،سمیع سومر و، سلیم بروہی ،منظور بھٹو کی قیادت میں نکالاگیا جس میں کارکنان نے بڑی تعداد میں شرکت کی ان کے ہاتھوں میں بینر اور پلے کارڈ تھے جن پر نعرے درج تھے مظاہرین سخت نعریبازی کرتے ہوئے ڈی سی چوک پہنچے اوردھرنا دے کر بیٹھ گئے جس کے باعث روڈ بلاک اورٹریفک معطل ہوگئی اس موقع پر رہنماؤں نے خطاب کرتے ہوئے کہاکہ قائد انقلاب شہید مرتضی کو قتل ہوئے 20سال گزر چکے ہیں انہیں راستے میں چھ ساتھیوں سمیت شہید کیا گیا وہ سندھ اسمبلی کے رکن بھی تھے عوام کو اپنے سچے قائد سے محروم کیاگیا شہید مرتضیٰ کے قتل کے وقت کے افسران کو آج ترقیوں اور تمغوں سے نوازا جارہاہے ایک گہر ی سازش کے تحت ان کو قتل کرکے راستے سے ہٹایاگیا،انہوں نے چیف جسٹس آف پاکستان سے مطالبہ کیاکہ از خود نوٹس لے کر قتل کیس دوبارہ کھول کر ملزمان کو انصاف کے کٹہرے میں لائیں۔
