لاہور(مانیٹرنگ ڈیسک)وفاقی وزیردفاع خواجہ آصف نے کہا ہے کہ پر ویز مشرف دور میں اتفاق انڈسٹریز کے کچھ ملازمین نے تشدد سے بچنے کے لیے اسحاق ڈار کو پھنسایا ۔اتفاق فائونڈری کے کچھ ملازمین کو ممکنہ شدید تشدد کا احتمال تھا ۔ اس لئے ان ملازمین نے خود کو بچانے کیلئے اسحاق ڈار کو پھنسا دیا اور ان کو گرفتار کرنے کی راہ ہموار کر دی تھی۔
خواجہ آصف نے پر ویز مشرف دور میں منی لانڈرنگ کیس میں اسحاق ڈار کے اعترافی بیان کی کہانی سناتے ہو ئےکہا کہ سارے معاملے کے وہ خود عینی شاہد ہیں۔بیان لینے کے لیے انہیں اور اسحاق ڈار کو اٹک قلعے میں قید تنہائی میں رکھا گیا۔
