اسلام آباد(مانیٹرنگ ڈیسک)پیپلزپارٹی کے رہنمائوں سید خورشید شاہ،میاں رضاربانی اورسپیکرقومی اسمبلی ایازصادق کے اپنے ناموں پرجعلی اکائونٹس کاانکشاف ہواہے ۔ایک نجی ٹی وی کے مطابق چیرمین سینیٹ میاں رضاربانی ، اپوزیشن لیڈر خورشید شاہ اورسپیکرقومی اسمبلی ایازصادق کے ناموں پرجعلی اکائونٹس کھولنے کاانکشاف ہواہے ۔اوران رہنمائوں نے ایوان کواس بارے میں اطلاع کردی ہے ۔ اپوزیشن لیڈرقومی اسمبلی خورشیدشاہ،رضاربانی اورایازصادق کوان اکاؤنٹس کی رسید یں بھی موصول ہوگئی ہیں۔

چیئرمین سینیٹ رضاربانی نے بتایاہے کہ میرے کراچی والے گھرمیں بینک کی ڈیپازٹ رسیدموصول ہوئی ہے کہ میرے اکاؤنٹ میں 10کروڑ ٹرانسفرکردیے گئے ہیں۔جبکہ خورشید شاہ اورایازصادق کوان کے چیمبرزمیں بینک کی طرف سے رسیدیں موصول ہوئی ہیں ۔جس پرڈی جی آیف آئی اے اوربینک کے صدرکوتحقیقات کےلئے خط لکھ دیاگیاہے جبکہ سپیکرقومی اسمبلی ایازصادق نے گورنرسٹیٹ بینک کوخط لکھ دیاہے کہ اس معاملے کی فوری تحقیقات کرکے رپورٹ پیش کی جائے