کراچی(مانیٹرنگ ڈیسک) پاکستان پیپلزپارٹی کے رہنمااورصوبائی وزیرسندھ منظوروسان نے کہاہے کہ مسلم لیگ (ن) کی حکومت میں وزیراعظم نوازشریف کی صاحبزادی مریم نوازاوروزیراعلی پنجاب کے صاحبزادے حمزہ شہبازکےدرمیان اختیارات کی جنگ چل رہی ہے اور2017میں بھی یہ لڑائی جارہی رہے گی ۔

کراچی میں میڈیاسے گفتگوکرتے ہوئے منظوروسان نے کہاکہ پیپلزپارٹی جمہوریت کوڈی ریل نہیں کررہی لیکن حکمرانوں کو2017میں بڑاسرپرائزملے گا۔انہوں نے کہاکہ مریم نواز اور حمزہ شہباز کے درمیان اختیارات کی جنگ چل رہی ہے، مریم نواز اور حمزہ شہباز کی لڑائی ذاتی معاملہ ہے،وہ اس پر زیادہ بولنا نہیں چاہتے، نئے سال میں یہ لوگ لڑتے رہیں گےجبکہ 2017 میں عمران خان کی مقبولیت مزید کم ہوگی ۔

منظوروسان نے کہاکہ اگلے سال قیام پاکستان سے لے کرآج تک کے تمام رازفاش ہوجائینگے ۔انہوں نے کہاکہ آصف علی زرداری کی وطن واپسی پرحیران ہونے کی ضرورت نہیں یہ ان کااپناوطن اورگھرہے

موضوعات:پاکستان پیپلزپارٹی مریم نواز