کراچی (مانیٹرنگ ڈیسک)معروف سکالرجنید جمشید مرحوم کی نمازجنازہ نیشنل سٹیڈیم کراچی میں اداکی جائے گی ۔ایک نجی ٹی وی کے مطابق جنیدجمشید مرحوم کے بھائی ہمایوں جمشید نے نیشنل سٹیڈیم کادورہ کیاہے ۔اس موقع پرہمایوں جمشید نےمیڈیاسے گفتگوکرتے ہوئے کہاکہ جنیدجمشید کے چاہنے والے بہت زیادہ ہیں اوراس لئے نیشنل سٹیڈیم میں نمازجنازہ اداکی جائے گی تاکہ تمام افراد آسانی سے نمازجنازہ اداکریں ۔
جبکہ دارالعلوم کراچی میں جنید جمشید کی قبرتیارکرلی گئی ہے ۔گزشتہ ر وز نائب مہتمم دارالعلوم کراچی جسٹس (ر) تقی عثمانی نے ایک نجی ٹی وی سے گفتگوکرتے ہوئے کہاتھا کہ جنید جمشید نے دارالعلوم میں اپنی تدفین کی خواہش کا اظہار کیا تھا۔انہوں نے کہاکہ جنیدجمشید کی وصیت کے مطابق ان کودارالعلوم کراچی میں دفن کیاجائے گا۔
