کراچی(این این آئی)قومی اسمبلی کے حلقہ این اے258 پر ضمنی انتخاب کیلئے پیرکوپولنگ کاعمل شام 5بجے تک جاری رہا، تحریک انصاف نے الیکشن کا بائیکاٹ کر رکھا تھا لیکن کارکنان پھر بھی ووٹ کاسٹ کرواتے رہے ۔کراچی کے حلقہ این اے 258 پر ضمنی الیکشن تحریک انصاف کے کھلاڑی مشکل میں پڑ گئے، صبح صبح جیت کا عزم لیے میدان میں نکلے کیمپ سنبھالا اور ووٹرز کو بلے کے نشان پر ٹھپہ لگانے کی ہدایت کی

لیکن جیسے ہی پتہ چلا کہ ان کی پارٹی نے تو ضمنی الیکشن کا بائیکاٹ کر رکھا پھر مقامی قیادت پر برس پڑے۔پی ٹی آئی کے امیدوار حنیف بنگش نے قیادت کا فیصلہ دل وجان سے قبول کیا، میڈیا سے بات چیت میں انہوں نے کہاکہ ووٹ تو کارکن پارٹی کی محبت میں ڈال رہے ہیں۔کارکنوں نے کہاکہ پارٹی کا فیصلہ سر آنکھوں پر لیکن وہ پھر بھی ووٹ کاسٹ کرکے مخالفین کو ٹف ٹائم دیں گے۔

موضوعات:این اے258 تحریک انصاف ضمنی انتخاب قومی اسمبلی