کراچی(آئی این پی )شاہ عبدالطیف بھٹائی کے عرس پر سندھ بھر میں تعطیل کا اعلان,شاہ عبدالطیف بھٹائی کے عرس پر سندھ حکومت نے 15 نومبر کو صوبے بھر میں تعطیل کا نوٹی فکیشن جاری کردیا ۔ حکومت سندھ نے عظیم صوفی بزرگ شاہ عبدالطیف بھٹائی کے 273 ویں عرس کے موقع پر 15 نومبر منگل کے روز تعطیل کا اعلان کیا ۔ صوبائی حکومت کی جانب سے جاری نوٹیفکیشن کے مطابق 15 نومبر کو صوبائی حکومت اور ضلعی انتظامیہ کے ماتحت ادارے اور سرکاری و غیر سرکاری درس گاہیں بند رہیں گی۔ واضح رہے کہ سندھ میں ہر سال 14 صفر کو حضرت شاہ عبداللطیف بھٹائی کے عرس کی مناسبت سے عام تعطیل ہوتی ہے۔یاد رہے کہ اس سے قبل شاہ نورانی کے دربار پر خودکش حملہ ہوا تھا جس میں جاں بحق ہونے والوں تعداد 52سے زائد جبکہ زخمیوں کی 100سے تجاویز کر گئی ہے ۔ خودکش بم دھماکے کے بعد حکومت پاکستان نے ملک میں تمام مزاروں پر سیکیورٹی سخت کر دی ہے ۔

موضوعات:شاہ عبدالطیف بھٹائی