دبئی(این این آئی)سابق گورنر سندھ ڈاکٹر عشرت العباد خان نے دبئی میں متحدہ قومی موومنٹ پاکستان کے سربراہ فاروق ستار سے رابطہ کیا اور کھانے پر مدعو بھی کیا۔اطلاعات کے مطابق سابق گورنر سندھ ڈاکٹر عشرت العباد خان نے دبئی پہنچنے پر وہاں پہلے سے موجود ایم کیو ایم پاکستان کے سربراہ فاروق ستار کو ملاقات کا پیغام بھجوایا ذرائع نے بتایا کہ
عشرت العباد خان نے فاروق ستار کو کھانے پر مدعو بھی کیا تاہم انہوں نے پاکستان واپسی کی فلائٹ شیڈول کے باعث معذرت کی اور کہا کہ میری فلائٹ کنفرم ہے اور میں پاکستان واپس جارہا ہوں۔ذرائع کے مطابق آنے والو ں دنو ں میں سابق گورنر سندھ اور فاروق ستار کے درمیان اہم ملاقات کا امکان ہے اور غالب امکان ہے کہ یہ ملاقات پاکستان میں ہی ہوگی۔واضح رہے کہ گزشتہ سے پیوستہ روز وفاق کی جانب سے ڈاکٹر عشرت العباد کی جگہ جسٹس (ر) سعید الزماں صدیقی کو نیا گورنر مقرر کئے جانے کے بعد وہ دبئی روانہ ہوگئے تھے۔
