گجرات (این این آئی)گجرات میں پنچائیت نے 6سالہ بچی کے ساتھ زیادتی کے الزام میں ملزم کی بیٹی سے زیادتی کا حکم سنایاتھا ،متاثرہ خاتون میوہسپتال میں دم توڑ گئی۔پولیس نے ملزم کو گرفتار کرلیا۔ اطلاعات کے مطابق گجرات کے علاقے جلال پور جٹاں کی رہائشی خاتون نے پولیس کو بیان دیا کہ اس کے والد پر 6 سالہ بچی سے زیادتی کا الزام تھا جس پر پنچائیت ہوئی

اور پنچائیت کے فیصلے پر متاثرہ بچی کے والد نیخاتون سے زیادتی کی ۔واقعہ کے بعد متاثرہ خاتون نے خودکشی کی ۔ پولیس نے خاتون کے بیان پر مقدمہ درج کر کے ملزم محمد بوٹا کو گرفتار کرلیا ۔ڈی پی او گجرات سہیل ظفر چٹھہ کے مطابق متاثرہ خاتون کا ڈی این اے ٹیسٹ کی رپورٹ آنے پر مزید کارروائی کی جائیگی۔ڈی پی اونے کہاکہ

تحقیقات کے مطابق پنچائیت نے فریقین کے درمیان راضی نامہ کرایا تھا، زیادتی کا حکم نہیں دیا تھا۔گجرات میں زیادتی کا شکار ہونے والی خاتون کے شوہر نے کہاکہ وہ کسی پر مقدمہ درج کرانا نہیں چاہتے۔

موضوعات:پنچائیت خودکشی گجرات