اسلام آباد (این این آئی)وفاقی وزیر داخلہ چوہدری نثار علی خان کو عوامی مسلم لیگ کے سربراہ شیخ رشید نے خط لکھ دیاہے جس میں خبر لیک معاملے پر بنائی جانے والی تحقیقاتی کمیٹی پر عدم اعتماد کا اظہار کیا گیاہے ۔نجی ٹی وی کے مطابق شیخ رشید نے چوہدری نثار سے خط میں کہاکہ کمیٹی کے سربراہ جسٹس ریٹائرڈ عامر رضاکے حکمران خاندان سے روابط ہیں جس کی وجہ سے جسٹس ریٹائرڈ عامر ریاض کی سربراہی میں کمیٹی سے انصاف کی توقع نہیں ۔شیخ رشید نے خط کے متن میں کہا کہ حکمران کو فائدہ پہنچانے کیلئے من پسند افراد کمیٹی میں شامل کیے گئے ہیں ٗکمیٹی کے فیصلے عوام کی نظر میں جانبدار اور غیر منصفانہ ہوں گے ۔