اسلام آباد (مانیٹرنگ ڈیسک)وفاقی وزیرداخلہ چوہدری نثار علی خان نے اسلحہ لائسنس کے اجراء پرعائد پابندی ختم کرنے پرغور شروع کردیا ہے جس کے تحت اسلحہ لائسنس کا اجراء مربوط سسٹم کے تحت ہوگا۔ تفصیلات کے مطابق وفاقی وزیرداخلہ چوہدری نثار علی خان نے اسلحہ لائسنس کے اجراء پرعائد پابندی ختم کرنے پرغورشروع کردیا ہے،
نئے لائسنسوں کا اجراء دسمبر 2016 یا جنوری 2017 میں شروع کیا جائے گا جب کہ اسلحہ لائسنسوں کا اجراء مربوط سسٹم کے تحت ہوگا۔ اجرا کے بعد پہلے ارکان پارلیمنٹ، مسلح افواج کے اعلیٰ افسران، ججوں اورصحافیوں کولائسنس ملیں گے اورڈاکٹروں، سرمایہ کاروں سمیت تاجروں کو بھی اسلحہ لائسنس جاری کئے جائیں گے جب کہ تعلیمی اداروں سمیت مختلف انسٹی ٹیوٹس کو بھی اسلحہ لائسنس جاری کئے جائیں گے ۔
اس بارے میں ابھی تک وزارت داخلہ کی طرف سے کوئی تصدیق یاتردید نہیں کی گئی ہے ۔واضح رہے کہ میڈیارپورٹس کے مطابق چوہدر ی نثارعلی خان اپنی آنکھوں اورہرینے کے علاج کےلئے بیرون ملک جارہے ہیں جبکہ وزیرداخلہ چوہدری نثارعلی خان نے اپنی پریس کانفرنس میں بھی اپنی سرجری کے بارے میں میڈیاکوآگاہ کیاتھا۔
